মৰাণত বিনামূলীয়া চকু পৰীক্ষা আৰু অস্ত্ৰোপ্ৰচাৰ শিবিৰ

মৰাণঃ মৰাণত আজি বিনামূলীয়া চকু পৰীক্ষা আৰু অস্ত্ৰোপ্ৰচাৰ শিবিৰ সম্পন্ন হয়৷ মানুহৰ পঞ্চম ইন্দ্ৰিয়ৰ ভিতৰতে চকু হৈছে এক গুৰুত্বপূৰ্ণ অংগ। এই কথা জানিও আমি কিমান যত্ন লও, নিজৰ চকুযোৰৰ বাবে! আজি দেখিবলৈ পোৱা গ'ল সাধাৰণ শ্ৰেণী লোকৰ বাবে মৰাণ চহৰত এক আদৰণীৰ প্ৰদক্ষেপ।

মাৰৱাড়ী যুৱ মঞ্চৰ সৌজন্যত লায়ন কে কে চাহাৰিয়া আই হস্পিতেলৰ সহযোগত মৰাণহাট নাহৰকটীয়া ৰ'ড গান্ধী উদ্যানৰ কাষত অৱস্থিত লায়ন মুঙ্গীলাল আগৰৱালা সোঁৱৰণী ভৱনত আজি বিনামূলীয়া চকু পৰীক্ষা আৰু অস্ত্ৰোপ্ৰচাৰ শিবিৰ প্ৰদান কৰে। অনুষ্ঠানটোলৈ বিশিষ্ট অতিথি হিচাপে উপস্থিত থাকে স্থানীয় জেষ্ঠ সাংবাদিক ত্ৰৈলোক্য চেতীয়া, লায়ন কে কে চাহাৰিয়া আই হস্পিতেলৰ কৰ্মকৰ্তাসকলৰ লগতে বৃহত্তৰ মৰাণ অঞ্চলৰ বিভিন্ন প্ৰান্তৰ পৰা অহা চকু ৰোগত ভূক্তভোগী কেইবা শতাধিক ৰাইজ৷