হাঁ‌হচৰাত ভয়ংকৰ পথ দুৰ্ঘটনাঃ পথৰ ওপৰত নিয়ন্ত্ৰণ হেৰুৱাই খুন্দা মাৰে গছত

নাজিৰাঃ শিৱসাগৰ জিলাৰ হাঁহচৰা শিৱমন্দিৰ ওচৰত আজি শনিবাৰে পুৱাই সংঘটিত হয় এক ভয়ংকৰ পথ দুৰ্ঘটনা৷ কথমপি প্ৰাণ ৰক্ষা দুজন যাত্ৰীৰ৷ শিৱসাগৰৰ নাজিৰাৰ পৰা শিৱসাগৰ অভিমুখী এখন টাটা হেক্সা গাড়ীয়ে পথৰ ওপৰত নিয়ন্ত্ৰণ হেৰুৱাই এজোপা আম গছত খুন্দা মাৰে ফলত গাড়ীখনৰ সন্মুখভাগ প্ৰায়ে চূৰ্ণ বিচূৰ্ণ হৈ পৰে৷ দুৰ্ঘটনাগ্ৰস্ত গাড়ীখনৰ নম্বৰ AS- 04- 8017৷

গাড়ীখনৰ চালক আছিল জয়ন্ত বুঢ়াগোহাঁই, চালকৰ ভাষ্য অনুসৰি বৰষুণৰ বতৰত দুৰ্ঘটনা সংঘটিত হোৱা ঠাই ডোখৰ পিছল হৈ আছিল আৰু গছৰ পাত পৰি থকাত গাড়ীখন আম গছ জোপাৰ ফালে টানি লৈ যোৱাৰ ফলতেই এই দুৰ্ঘটনা সংঘটিত বুলি কয়। প্ৰত্যক্ষদৰ্শীৰ মতে গাড়ীৰ গতি অতি তীব্ৰতৰ হোৱাৰ ফলত এই পথ দুৰ্ঘটনা সংঘটিত হৈ বুলি জানিবলৈ দিছে। গাড়ীখনত অহা আনজন যুৱক শৈল গগৈ গুৰুতৰ ভাৱে আহত হোৱাত তেওঁক শিৱসাগৰ অ'এনজিচি চিকিৎসালয়ত ততাতয়াকৈ ভৰ্ত্তি কৰোৱা হয়।