ৰঙিয়াত আই ই ডি বোমা উদ্ধাৰঃ ৰাইজৰ প্ৰতিবাদ

ৰঙিয়াঃ ৰঙিয়াত আই ই ডি বোমা উদ্ধাৰ। ৰঙিয়াৰ খন্দিকৰৰ তাৰিফুল হ'ক আৰু নুৰমহম্মদ আলী নামৰ দুই ভাতৃৰ ঢেঁকীশালত উদ্ধাৰ হয় বোমাটো। সেনাৰ পৰিকল্পিত নাটক বুলি জানিব পাৰি পথ অৱৰোধ কৰি প্ৰতিবাদ কৰিলে হেজাৰ হেজাৰ স্থানীয় ৰাইজে।

আৱদ্ধ হৈ পৰে সেনাৰ কেইবাখনো বাহন। পাছত বাস্কা জিলাৰ আৰক্ষীৰ উচ্চ পদস্থ বিষয়াসকল ঘটনাস্থলীত উপস্থিত হয়। উপায়ন্তৰ হৈ সেনাই মুকলি কৰি দিবলৈ বাধ্য হয় দুই ভাতৃক। ঘটনা স্পষ্ট নকৰা পৰ্যন্ত সেনাৰ গাড়ী যাব দিয়া নাই উত্তেজিত ৰাইজে। সেনাই বোমাটো নিষ্ক্ৰীয় কৰাৰ ব্যৱস্থা কৰিছে। বৰ্তমানেও উত্তেজনা অব্যাহত আছে।