লখিমপুৰঃ লখিমপুৰ জিলা বগীনদীৰ লালপানী সেউজ ক্ষেত্ৰত দেওবাৰে দিনযোৰা কাৰ্যসূচীৰে অনুষ্ঠিত হয় দ্বি-বাৰ্ষিকী অধিবেশন। পুৱা সংস্থাৰ পতাকা উত্তোলনেৰে আৰম্ভ হোৱা অধিবেশনৰ বগীনদী সৃষ্টি মিউজিক গোষ্ঠীয়ে গীত পৰিবেশন কৰি আৰম্ভণি কৰে লখিমপুৰ জিলা সাংবাদিক সংস্থাৰ দ্বি-বাৰ্ষিক অধিবেশনখনি।
উক্ত অধিবেশনৰ মুকলি সভাত উপস্থিত থাকে লখিমপুৰ জিলাৰ কেইবাগৰাকী সমাজকৰ্মীৰ লগতে জ্যেষ্ঠ সাংবাদিক তথা জাৰ্নেলিষ্ট এছ’চিয়েচন অসম চমুকৈ "জাফা"ৰ ৰাজ্যিক সাংগাঠনিক সম্পাদক কুশল শইকীয়া, আন বহু কেইজন সাংবাদিকৰ উপৰি বগীনদীৰ লালপানী অঞ্চলৰ স্থানীয় ৰাইজ। লখিমপুৰ জিলা সাংবাদিক সংস্থাৰ দ্বি বাৰ্ষিক অধিবেশনতে জিলা সাংবাদিক সংস্থাৰ ৩১ জনীয়া নতুন সমিতি গঠন কৰা হয়।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।