দৰঙৰ ৫ নং বৰুৱাঝাৰৰ কিশোৰ সন্ধানহীন

ওদালগুৰিঃ দৰং জিলাৰ দলগাঁও থানাৰ অন্তৰ্গত ৫ নং বৰুৱাঝাৰ গাঁৱৰ জছমত আলীৰ পুত্ৰ নুৰজামাল নামৰ ১৬ বছৰীয়া কিশোৰজন আজি প্ৰায় দহ দিনৰ পৰা সন্ধানহীন হৈ আছে। যোৱা ২০ জুলাই তাৰিখে দলগাঁৱৰ পৰা নিৰুদ্দেশ হোৱাৰ কথা জানিবলৈ দিছে পৰিয়ালৰ লোকে। চুটি-চাপৰ কিশোৰজন মানসিক বিকাৰগ্ৰস্ত বুলি জানিব পৰা গৈছে।

বৰ্তমানলৈকে কিশোৰজনৰ কোনো শুংসুত্ৰ নোলোৱাত পৰিয়ালৰ মাজত এক হাহাকাৰ পৰিস্থিতিৰ সৃষ্টি হৈছে। যদি কোনো সদাশয় ব্যক্তিয়ে কিশোৰজনৰ সন্ধান পায় তেন্তে ৬০০২০৯১১৩৭ নম্বৰত ফোন কৰি জনাবলৈ অনুৰোধ জনোৱাৰ লগতে স্থানীয় আৰক্ষী থানাত খবৰ দিবলৈ পৰিয়ালৰ তৰফৰ পৰা কাতৰ অনুৰোধ জনাইছে।