ৰহাৰ নামগাঁৱত ভয়ংকৰ পথ দুৰ্ঘটনা

ৰহাঃ ৰহাৰ নামগাঁৱত সোমবাৰে পুৱা সংঘটিত হয় এক ভয়ংকৰ পথ দুৰ্ঘটনা। নিয়ন্ত্ৰণ হেৰুৱাই এখন স্ক'ৰপিঅ' গাড়ী পৰিল খাৱৈত। দুৰ্ঘটনাটোত স্ক'ৰপিঅ’খনত থকা দুজন আৰোহী গুৰুতৰভাৱে আহত হয়। ইয়াৰে এজনৰ অৱস্থা সংকটজনক। আহত দুজন তিনিচুকীয়াৰ কাকপথাৰৰ জিণ্টু কোঁৱৰ আৰু মৌচম গগৈ বুলি চিনাক্ত কৰা হৈছে।

জানিব পৰা মতে গুৱাহাটীৰ পৰা কাকপথাৰলৈ গৈ থকা অৱস্থাত ৰহাৰ নামগাঁৱত AS 23T 2333 নম্বৰৰ স্ক'ৰপিঅ’খনে নিয়ন্ত্ৰণ হেৰুৱাই এখন দলঙত খুন্দা মাৰি পুনৰ ডিভাইদাৰত খুন্দা মাৰে। তাৰ পিচত ডিভাইদাৰ পাৰ হৈ এজোপা গছত খুন্দা মাৰি খাৱৈত সোমাই যায়। পিচত স্থানীয় লোকে ততাতৈয়াকৈ সংকটজনক অৱস্থাত দুয়োজনকে উদ্ধাৰ কৰি নগাঁৱৰ অসামৰিক চিকিৎসালয়লৈ প্ৰেৰণ কৰে।