আমগুৰি নামতি নদীত পৰি সন্ধানহীন হোৱা ব্যক্তিৰ মৃতদেহ উদ্ধাৰ

আমগুৰিঃ আমগুৰি নামতি নদীত পৰি সন্ধানহীন হোৱা ব্যক্তিৰ মৃতদেহ উদ্ধাৰ। নামতি পথাৰ মাহমৰাত বাঁহৰ দলঙৰ পৰা নদীত পৰি সন্ধানহীন হৈছিল পিতাম্বৰ চুতীয়া(৫০)নামৰ ব্যক্তিজন। শনিবাৰে নিশা প্ৰায় ৯ বজাৰপৰা পিতাম্বৰ চুতীয়া নামৰ ব্যক্তিজন ঘৰলৈ আহোতে নামতি নদীৰ ওপৰত থকা বিধ্বস্ত বাহৰ দলঙৰ পৰা সৰি পৰি সন্ধানহীন হৈ আছিল।

আজি পুৱা স্থানীয় লোকে ব্যক্তিজনৰ মৃতদেহ নদীত ওপঙি থকা প্ৰত্যক্ষ কৰে। ইতিমধ্যে স্থানীয় লোকে আমগুৰি আৰক্ষীক ব্যক্তিজনৰ মৃতদেহ নদীত ওপঙি থকা প্ৰত্যক্ষ কৰা বুলি অৱগত কৰিছে। ঘটনাস্থলীত আমগুৰি আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে।