বৰপেটাৰ হাউলীত ভয়ংকৰ পথ দুৰ্ঘটনাত নিহত দুজন যুৱক

বৰপেটাঃ বৰপেটাৰ হাউলীত সংঘটিত হৈছে ভয়ংকৰ পথ দুৰ্ঘটনা। বুধবাৰে নিশা হাউলীৰ হাউলীৰ ব্লক অফিচৰ সমীপৰ ৩১ নং ৰাষ্ট্ৰীয় ঘাইপথত এ এছ-১৫-পি-০৯৫৮ নম্বৰ চুইফট ডিজায়াৰ গাড়ীখনে নিয়ন্ত্ৰণ হেৰুৱাৰ ফলত দুৰ্ঘটনাগ্ৰস্ত হয় আৰু এই পথ দুৰ্ঘটনাত দুজন যুৱক থিতাতে নিহত হয়৷

দুৰ্ঘটনাত নিহত যুৱক দুজন হাউলীৰ খাটালপাৰাৰ নিৱাসী উমেশ দাসৰ পুত্ৰ ৰাকেশ দাস(২৪) আৰু হাউলী জলজলীৰ বাসিন্দা ভবেন দাসৰ পুত্ৰ নিকুঞ্জ দাস(২৫) বুলি জানিব পৰা গৈছে৷ দুৰ্ঘটনাটোৰ ফলত গুৰুতৰভাবে আহত হৈছে আছিফ আলী নামৰ এজন যুৱক। এই শোকাৱহ ঘটনাই সমগ্ৰ অঞ্চলটোতে শোকৰ ছাঁ পেলাইছে।