বিজনীত হস্তনিৰ্মিত বন্দুক কাৰখানা উৎখাত

বিজনীঃ চিৰাং জিলাৰ বিজনীৰ উত্তৰঅঞ্চলৰ বাউতি পাৰাত আৰক্ষীৰ অভিযান। এই অভিযান বিজনী আৰক্ষী বিষয়া প্ৰকাশ মেধীৰ নেতৃত্বত আৰু ৰূপক বড়াৰ সহযোগত এটা হস্তনিৰ্মিত বন্দুক দুটা সজীৱ গুলীসহ বন্দুক নিৰ্মাণৰ বিভিন্ন যন্ত্ৰ-পাতি সামগ্ৰী জব্দ কৰে। কাৰখানাটোৰ গৰাকী মনোজ মুছাহাৰী(৪৪) বুলি আৰক্ষীয়ে জানিবলৈ দিয়ে। উল্লেখ্য যে সোমবাৰে ৰাতি আৰক্ষীয়ে গোপন খবৰৰ ভিত্তিত এক অভিযান চলাই মনোজ মুছাহাৰীৰ ঘৰত।

অভিযানৰ খবৰ পাই মনোজ মুছাহাৰী আগতিয়াকৈ পলায়ন কৰে। উল্লেখ্য যে এই কাৰখানা ঘৰত আৰম্ভ কৰাত ঘৰৰ মানুহে বাধা দিয়ে। পাছলৈ ঘৰৰ মানুহৰ লগত কাজিয়া কৰি ঘৰৰ পৰা পলায়ন কৰে বুলি আৰক্ষীয়ে জানিবলৈ দিয়ে। আৰক্ষীয়ে জনাই যে ১৫ আগষ্টত যাতে কোনো ধৰণৰ কুটাঘাতমূলক কাৰ্য্য ঘটাব নোৱাৰে তাৰ বাবে বিজনী আৰক্ষীয়ে সচেতন হৈ অভিযান অব্যাহত ৰাখিব।