সোৱণশিৰি দলঙৰ পৰা আত্মহত্যাৰ সন্দেহ এগৰাকী বিবাহিত যুৱকৰ

লখিমপুৰঃ সোৱণশিৰি দলঙৰ পৰা আত্মহত্যাৰ সন্দেহ এগৰাকী বিবাহিত ২৭ বছৰীয়া যুৱকৰ। সোমবাৰে সন্ধ্যা লখিমপুৰ সোৱণশিৰি দলঙৰ ৭ নম্বৰ খুঁটাৰ সমীপত উদ্ধাৰ হৈছিল গৰাকীবিহীন AS 07 M 8933 মাৰুতি ভান আৰু এটা বগা বৰণৰ টি চাৰ্ট। আৰক্ষীৰ অনুসন্ধানত গাড়ীৰ ভিতৰত উদ্ধাৰ হোৱা নথিপত্রৰ জৰিয়তে চিনাক্ত হয় চালকজন। লখিমপুৰ খেলমাটি শান্তিপুৰৰ চিৰঞ্জীৱ ভদ্ৰ নামৰ যুৱকজনে সোমবাৰে ঘৰত লাগিছিল কাজিয়া।

এবছৰৰ পূৰ্বে বিবাহপাশত আৱদ্ধ হোৱা চিৰঞ্জীৱৰ পত্নী বৰ্তমান অন্তঃসত্বা। পাৰিবাৰিক কণ্ডলৰ পৰিণতিতে সোৱণশিৰি দলঙৰ ওপৰতে নিজ বাহন থৈ সোৱণশিৰিত জাপ দিয়াৰ সন্দেহ পৰিয়ালৰ লগতে আৰক্ষীৰ। SDRF-এ অভিযান অব্যাহত ৰাখিছে যদিও এই মূহুৰ্তলৈকে উদ্ধাৰ কৰিবলৈ সক্ষম হোৱা নাই যুৱকৰ মৃতদেহ।