কোকৰাঝাৰত সাহিত্য অকাডেমী বঁটা প্ৰাপক প্ৰদীপ ৰাজা ব্ৰহ্মৰ ইহলীলা সম্বৰণ

কোকৰাঝাৰঃ সাহিত্য একাডেমী বঁটাপ্ৰাপ্ত প্ৰসিদ্ধ বড়ো লেখক, সাহিত্যিক কোকৰাঝাৰ জিলাৰ গোসাঁইগাঁও মহকুমাৰ পাটাকাটা নিৱাসী প্ৰদীপ ৰাজা ব্ৰহ্মই আজি ইহলীলা সম্বৰণ কৰে। মৃত্যুৰ সময়ত তেওঁৰ বয়স হৈছিল ৭০ বছৰ। মৃত্যুৰ পূৰ্বে ব্ৰহ্মই ইহজগতত পত্নী , তিনি জীয়ৰী, এগৰাকী পুত্ৰ আৰু অসংখ্য গুণমুগ্ধক এৰি থৈ যায়।

উল্লেখ্য যে ২০০৮ চনত বাংলা ভাষাৰ কবিতাপুথি ‘কৃতিভাষা ৰামায়ণ’ক বড়ো ভাষালৈ অনুদিত কৰি প্ৰদীপ ৰাজা ব্ৰহ্মই বড়ো ভাষাত সাহিত্য অকাডেমী বঁটা লাভ কৰিবলৈ সক্ষম হৈছিল। বহুদিনৰ পৰা অসুস্থতাত ভূগি থকা প্ৰদীপ ৰাজা ব্ৰহ্মৰ মৃত্যুত বিভিন্ন দল সংগঠনে শোক প্ৰকাশ কৰি বিদেহী আত্মাৰ সদগতি কামনা কৰিছে।