বজালীত দৰিদ্ৰ শিক্ষাৰ্থীক আমছুৰ কিতাপ প্ৰদান

হাউলীঃ আজি বানবিধ্বস্ত অঞ্চল বজালী মহকুমাৰ ধুমাৰ পথাৰত অতিকৈ দৰিদ্ৰ মৃত অমূল্য মণ্ডলৰ একমাত্ৰ পুত্ৰ পঙ্কজ মণ্ডলক সদৌ অসম সংখ্যালঘূ ছাত্ৰ ইউনিয়নৰ চেংলিমাৰী আঞ্চলিক সমিতি সহযোগত বৰপেটা জিলা সমিতিৰ তৰফৰ পৰা উচ্চতৰ মাধ্যমিক প্ৰথম বৰ্ষৰ কিতাপসমূহ সাহায্য হিচাপে প্ৰদান কৰা হয়।

উক্ত অনুষ্ঠানত বৰপেটা জিলা আমছুৰ সভাপতি নজৰুল ইছলাম, চেংলিমাৰী আঞ্চলিক সমিতিৰ মুখ্য উপদেষ্টা আশ্ৰৱ আলী আহমেদ,সাধাৰণ সম্পাদক ৰফিকুল ইছলাম, শিক্ষা সম্পাদক নাজমুল হক, হাইদৰ আলী, ইয়ামিনুৰ ৰশিদ সমাজকৰ্মী বাক্কেছ আলী, ওচমান আলীকে ধৰি ভালেমান বিশিষ্ট ব্যক্তি উপস্থিত থাকে। আমছুৰ এনে প্ৰচেষ্টাক স্থানীয় ৰাইজে ভূয়সী প্ৰশংসা কৰিছে।