লামডিংঃ হোজাই জিলাৰ লামডিঙত প্রজাপিতা ব্রহ্মকুমাৰী ঈশ্বৰীয় বিশ্ববিদ্যালয় লামডিং শাখাৰ উদ্যোগত মঙলবাৰৰ পৰা দুদিনীয়াকৈ লামডিং বিবেকানন্দ স্টেডিয়ামত এক বিশাল আন্তঃৰাষ্ট্রীয় ম’টিভেশ্যন ট্রেনিং খুশিও কা বিগ বজাৰ আয়োজন কৰা হয়। এই ট্রেনিঙৰ মূল উদ্দেশ্য আছিল কেনেকৈ আমাৰ জীৱনত সুখ, শান্তি, হাঁহি আৰু দুশ্চিন্তা মুক্ত হ’ব পাৰি আৰু ৰোগমুক্ত জীৱন যাপন কৰিব পৰা যায় সেই বিষয়ে অৱগত কৰা।
এই অনুষ্ঠানত উপস্থিত আছিল মাউণ্ট আবুৰ পৰা অহা আন্তঃৰাষ্ট্রীয় ম’টিভেশ্যন ট্রেনাৰ বিকে শক্তি ৰাজ সিং আৰু বেহেন বিকে কল্পনা। সন্মানীয় অতিথি হিচাপে উপস্থিত আছিল বিশিষ্ট সমাজকর্মী প্রদীপ শীল। এই অনুষ্ঠানত পাঁচ হাজাৰৰো অধিক জনগণৰ সমাগমৰ লগতে ব্রহ্মাকুমাৰী বিশ্ববিদ্যালয়ৰ সদস্যাসকল উপস্থিত আছিল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।