দলগাঁৱত দুৰ্ঘটনা সংঘটিত কৰি চালকৰ পলায়নঃ এজনৰ অৱস্থা সংকটজনক

দলগাঁওঃ দৰং জিলাৰ দলগাঁৱত সংঘটিত হয় ভয়ানক পথ দুৰ্ঘটনা। ১৫ নং ৰাষ্ট্ৰীয় ঘাইপথ তথা দলগাঁও ৰাজ্যিক চিকিৎসালয়ৰ পশ্চিম দিশে ঘাইপথ সংযোগী নতুন পট্টিত এখন AC গাড়ী দ্ৰুতগতিত আহি থকা অৱস্থাত বুঢ়ীগাঁও গাঁৱৰ পৰা তৈবোৰ ৰহমান নামৰ ৩৭ বছৰীয়া ব্যক্তিজনে নিজৰ পালছাৰ ২২০ লৈ দলগাঁও অভিমুখে আহি থাকোতেই দুৰ্ঘটনাটো সংঘটিত হয়।

ততালিকে দলগাঁও ৰাজ্যিক চিকিৎসালয়ৰ পৰা মঙলদৈলৈ প্ৰেৰণ কৰা হয়। পালছাৰ বাইকৰ নম্বৰ AS-13 A 3658। আহত তৈবোৰ ৰহমান বুঢ়ীগাঁৱৰ মোচন আলীৰ পুত্ৰ বুলি জানিব পৰা গৈছে। ইফালে দুৰ্ঘটনা সংঘটিত কৰি গাড়ী লৈ উধাও হয় চালকজন।