নিকামূল সত্ৰৰ সত্ৰাধিকাৰ পূণ্যব্ৰত গোস্বামীৰ বিয়োগত বটদ্ৰৱাত শোক

বটদ্ৰৱাঃ নিকামূল সত্ৰৰ সত্ৰাধিকাৰ তথা বিশিষ্ট শিল্পী পূণ্যব্ৰত গোস্বামীৰ আজি সন্ধিয়া তেজপুৰৰ এখন বে-চৰকাৰী চিকিৎসালয়ত বিয়োগ হোৱাৰ বাতৰিত বটদ্ৰৱাত শোকৰ ছাঁ পৰিছে। সত্ৰীয়া সংস্কৃতি আৰু শাস্ত্ৰীয় সংগীতৰ অতুলনীয় প্ৰতিভাৰ অধিকাৰী শিল্পীগৰাকীৰ বিয়োগত বটদ্ৰৱা নৰোৱা সত্ৰৰ সত্ৰাধিকাৰ দেৱানন্দ দেৱগোস্বামী, শলগুৰি সত্ৰৰ সত্ৰাধিকাৰ পৰমানন্দ দেৱমহন্ত, কুজিসত্ৰৰ সত্ৰাধিকাৰ নিত্যানন্দ গোস্বামী, বটদ্ৰৱা থান পৰিচালনা সমিতিৰ হৈ সাধাৰণ সম্পাদক ইন্দ্ৰমোহন বৰুৱা, শিল্পী ৰঞ্জিত মহন্ত, দিব্যজ্যোতি বৰুৱাকে প্ৰমুখ্য কৰি বিভিন্ন ব্যক্তিবিশেষ আৰু অনুৰাগীসকলে শোক প্ৰকাশ কৰিছে।