মৰিগাঁৱৰ শুকতিপোতাত বানসাহায্য বিতৰণ

মৰিগাঁওঃ মৰিগাঁৱত স্বেচ্ছাসেৱী অনুষ্ঠানৰ বানসাহায্য বিতৰণ। আজি মৰিগাঁও জিলা শুকতিপোতাত গৈ কেৰিটাছ ইন্দিৰা আৰু এইচ চিএল ফাউণ্ডেশ্যন নামৰ প্ৰতিষ্ঠান দুটাৰ উদ্যোগত বাল্টি তিনিটা, গাধোৱা, কাপোৰ ধোৱা চাবোন, ফেনাইল, ডেটল, আঠুৱা, কলগেট-ব্ৰাছকে ধৰি তেৰবিধকৈ সামগ্ৰী বিতৰণ কৰে বানাক্ৰান্তক লোকসকলক।

মৰিগাঁও জিলাৰ মায়ং, লাহৰীঘাট ৰাজহ চক্ৰৰ মুঠ ১২ খন গাঁৱৰ ১৫ শ বানাক্ৰান্ত পৰিয়ালক লক্ষ্য কৰি বানপানীৰ পিছত হ'ব পৰা সম্ভাব্য বেমাৰ আজাৰৰ পৰা ৰক্ষা কৰাৰ উদ্দেশ্যৰে WASH kit বিতৰণ কাৰ্য্যসূচী আৰম্ভ কৰে আৰু ইতিমধ্যে ভড়ালটুপ, গভুৰাটুপ, আফুখুন্দা, সাপকাটি আৰু শুকতিপোতা অঞ্চলৰ ৬৯২ টা পৰিয়ালক প্ৰদান কৰে।