বটদ্ৰৱাঃ নগাঁও জিলাৰ ৰূপহীহাট বিধান সভা সমষ্টিত পূৰ্ণ গতিত আৰম্ভ হৈছে বিজেপিৰ সদস্য ভৰ্তিৰ অভিযান। ইতিমধ্যে কেইবাহাজাৰো অধিক সংখ্যালঘু লোকে বিজেপি দলৰ নীতি-আদৰ্শৰ প্ৰতি আকৃষ্ট হৈ বিজেপি দলত আনুষ্ঠানিকভাৱে যোগদান কৰিছে। উল্লেখ্য যে এসময়ত কংগ্ৰেছ দলৰ দূৰ্গ হিচাপে পৰিচিত ৰূপহীহাট বিধান সভা সমষ্টিত বৰ্তমান যে কংগ্ৰেছৰ ভেটি তচনচ হৈ পৰা পৰিলক্ষিত হৈছে।
বিজেপি দলৰ ৰূপহীহাট বিধান সভা সমষ্টিৰ শক্তিশালী বিজেপি নেতা জাকাৰিয়া হক চৌধুৰীৰ নেতৃত্বত ইতিমধ্যে হাজাৰ হাজাৰ সংখ্যালঘু লোকে বিজেপি দলত যোগদান কৰিছে। শুকুৰবাৰে সমষ্টিটোৰ কাঞ্চনপুৰ গাঁও পঞ্চায়তৰ বালিকা গাঁৱত অনুষ্ঠিত হোৱা সদস্য ভৰ্তি আৰু যোগদান অনুষ্ঠানত শতাধিক কংগ্ৰেছ, এআইইউডিএফ দলৰ নেতা-কৰ্মীয়ে আনুষ্ঠানিকভাৱে বিজেপি দলত যোগদান কৰে।
বিজেপি নেতা জাকাৰিয়া হক চৌধুৰীৰ উপস্থিতিত সভাত নতুনকৈ যোগদান কৰা প্ৰতিগৰাকী সদস্যক নেতাগৰাকীয়ে গেৰুৱা বসন পিন্ধোৱাৰ লগতে সদস্য ভৰ্তিৰ পৰিচয় পত্ৰৰে বিজেপি দললৈ আদৰণি জনায়।
