স্বচ্ছ বৰপেটা গোটৰ উদ্যোগত বৰপেটা ঈদগাহ ময়দানত চাফাই অভিযান

বৰপেটাঃ "স্বচ্ছতাই সুন্দৰতা" বাণীক সৰোগত কৰি সমাগত ঈদ উজ জোহাৰ পৱিত্ৰ সন্ধিক্ষণত স্বচ্ছ বৰপেটা গোটৰ সেনানীসকলৰ দ্বাৰা আজি বৰপেটা চহৰৰ মুছলিমপট্টি ঈদগাহ ময়দানত চাফাই অভিযান চলায়। শান্তি সম্প্ৰীতিৰ এক উৎকৃষ্ট নিদৰ্শন প্ৰদৰ্শিত কৰি স্বচ্ছ বৰপেটাৰ সেনানী সকলে ঈদগাহ চৌহদৰ পৰিসৰ চাফা কৰি চিকুণাই তোলে।

স্বচ্ছ বৰপেটা গোটৰ এই পদক্ষেপত বৰপেটা খাদেমুল ইছলাম সমাজৰ সম্পাদক হুছেইন ৰিজৱানীয়ে শলাগ লয়। আজিৰ এই কাৰ্যসূচীত উপস্থিত থাকে স্বচ্ছ বৰপেটা গোটৰ প্ৰিয়ৰঞ্জণ দাস, মৃদুল তালুকদাৰ, অমৰেন্দ্ৰ দাস, মানৱজ্যোতি গোস্বামী আদিকে প্ৰমূখ্য কৰি বহু কেইজন বিশিষ্ট ব্যক্তি উপস্থিত থাকে।