মানকাচৰ-হাটশিঙিমাৰীত ঈদ-উজ-জোহাৰ নামাজ সম্পন্ন

দক্ষিণ শালমাৰাঃ বিশ্বৰ সমগ্ৰ ইছলাম ধৰ্মাৱলম্বী লোকসকলে আজি উলহ মালহেৰে ঈদ-উজ-জোহাৰ নামাজ সমাপন কৰে। দেশ তথা ৰাজ্যৰ অন্যান্য প্ৰান্তৰ লগতে মানকাচৰতো আজি পুৱা ৮ বজাত সমূহীয়া নামাজ অনুষ্ঠিত হয়। মানকাচৰৰ ঐতিহাসিক মীৰজুমলা মাজাৰ শ্বৰীফ ঈদগাহ ময়দানত আজি কেন্দ্ৰীয়ভাবে আয়োজন কৰা ঈদৰ নামাজত ইমামতি কৰে হজৰত জহিৰুল ইছলাম চাহেবে।

প্ৰায় ১৫ সহস্ৰাধিক লোকে মীৰজুমলা মাজাৰ শ্বৰীফ ঈদগাহ ময়দানত ঈদৰ নামাজ আদায় কৰি বিশ্বৰ সমগ্ৰ মানব জাতিৰ কল্যানৰ হকে দোৱা কৰি বিশ্বত শান্তি সম্প্ৰীতিৰ এনাজৰীডাল সুদৃঢ় হোৱাৰ কামনা কৰে। মানকাচৰৰ উপৰি আদি বিভিন্ন স্থানত সমূহীয়াভাবে ঈদৰ নামাজ আদায় কৰে ইছলাম ধৰ্মাৱলম্বী লোকসকলে।