বৰপেটাত ঈদ উল আজহাৰ নামাজ সম্পন্ন

বৰপেটাঃ বৰপেটা খাদেমুল ইছলাম সমাজৰ উদ্যোগত বৰপেটা মুছলিমপট্টি ঈদগাহ ময়দানত ঈদ উল আজহাৰ পৱিত্ৰ নামাজ সম্পন্ন কৰা হয়। পুৱা ৮ বাজি ৩০ মিনিটত অনুষ্ঠিত হোৱা পৱিত্ৰ ঈদ উল আজহাৰ নামাজত বৰপেটা চহৰৰ বিভিন্ন অঞ্চলৰ প্ৰায় তিনি হেজাৰ লোকে সমূহীয়া নামাজত অংশগ্ৰহণ কৰে।

উক্ত নামাজত ইমামতি কৰে বৰপেটা টাউন জামে মছজিদৰ ইমাম জ্বনাব কাৰী মৌলানা শ্বাহজামাল আহমেদ কাছিমী চাহাবে। নামাজৰ শেষত বিশ্ব শান্তিৰ বাবে সমূহীয়া দোৱা কৰা হয়।