খাৰুপেটীয়া বেলতলী ঈদগাহ ময়দানত ঈদ উল আজহাৰ সমূহীয়া নামাজ

দলগাঁওঃ দেশৰ বিভিন্ন প্ৰান্তৰ লগতে আন আন বছৰৰ দৰে এইবাৰো দৰং জিলাৰ খাৰুপেটীয়াৰ বেলতলীস্থিত ঈদগাহ ময়দানত ইছলাম ধৰ্মাৱলম্বী লোকে ঈদ উল আজহাৰ সমূহীয়া নামাজ আদায় কৰে। নামাজৰ ইমামতী কৰে আলহাজ মৌলানা তালেব উদ্দিন আহমেদে। উপস্থিত লোকসকলে বিশ্ব শান্তি আৰু ভাতৃত্ববোধ অটুট ৰখাৰ বাবে নামাজৰ পিছত আল্লাৰ ওচৰত দোৱা কৰে।

আনহাতে খাৰুপেটীয়া টাউন জামে মছজিদত মৌলানা আহমদ আলীৰ ইমামতীত হেজাৰ হেজাৰ ইছলাম ধৰ্মালম্বী লোকসকলে পৱিত্ৰ ঈদ-উল-আজহাৰ নামাজত আদায় কৰে৷ ইফালে দলগাঁও ঈদগাহ, বেছিমাৰী, অফিচ বজাৰ, দৈপাম, নেপালী বজাৰ, মৌছিঠা মোল্লাপাৰা আদি ঠাইতো উলহ মালহেৰে ঈদৰ নামাজ আদায় কৰি ইজনে সিজনক ঈদৰ মোবাৰকবাদ জনায়। প্ৰখৰ ৰ'দকো নেওচি সকলো স্নাতৰৰ লোকে ঈদ পালন কৰা দেখা যায়। নামাজৰ শেষত সমূহীয়া মোনাজাতত বিশ্ব শান্তিৰ হকে মহান আল্লাহৰ ওচৰত প্ৰাৰ্থনা জনোৱা হয়।