মাকুম বাইপাচত ভয়ংকৰ পথ দুৰ্ঘটনা

তিনিচুকীয়াঃ তিনিচুকীয়াৰ মাকুম বাইপাচত আজি এক ভয়ংকৰ পথ দুৰ্ঘটনা সংঘটিত হয়। পথৰ দাঁতিত বাগৰি পৰে তীব্ৰবেগী এলপিজি কঢ়িয়াই অনা NL 01Q3491 গাড়ীখন। তিনিচুকীয়াৰ দিশৰ পৰা মাকুম বাইপাচ হৈ গোপনাৰী বটলিং প্লাণ্টলৈ গৈ থকা অৱস্থাত নিয়ন্ত্ৰণ হেৰুৱায় সংঘটিত হয় দুৰ্ঘটনাটো।

প্ৰায় তিনিঘণ্টাৰ পিছত উদ্ধাৰ কৰে গাড়ীৰ চালকজন। উদ্ধাৰ কৰি সংকটজনক অৱস্থাত তিনিচুকীয়া চিকিৎসালয়লৈ প্ৰেৰণ কৰা হয় চালকজনক। নিৰাপত্তাৰ বাহিনী আৰু অগ্নিনিৰ্বাপক বাহিনীয়ে উদ্ধাৰ অভিযান চলায়।