লামডিং ৰে’লৱে ষ্টেচনত নিচাজাতীয় দ্ৰব্য সেৱন শিশুৰ

লামডিংঃ হোজাই জিলাৰ লামডিং ৰে’লৱে ষ্টেচনত দেখা গৈছে মাৰাত্মক নিচাজাতীয় দ্ৰব্য ডেনড্ৰাইট সেৱন কৰি থকা শ্ৰমিকৰূপী শিশু। ৰে’ল আৰক্ষীয়ে গিজগিজাই থকা লামডিং ষ্টেচনত এনে দৃশ্য বিভিন্ন সময়ত প্ৰায়েই দেখা পোৱা যায়।

পেটৰ তাড়নাতেই হওক বা উচ্ছৃংখল জীৱন ধাৰণৰ বাবেই হওক যি সময়ত বিদ্যালয়লৈ যাব লাগিছিল তেনে সময়তে লামডিঙত দেখা গৈছে কণ কণ ল’ৰা-ছোৱালীয়ে ৰে’লত কাম কৰি পোৱা টকাৰে মাৰাত্মক নিচাজাতীয় দ্ৰব্য ডেনড্ৰাইট ক্ৰয় কৰি সেৱন কৰা দৃশ্য। বৰ্তমানৰ চৰকাৰখনে শিশু শ্ৰমিকৰ কাৰণে বিভিন্ন ধৰণৰ অভিলাষী আঁচনি প্ৰৱৰ্তন কৰি আহিছে যদিও আজিও বহু ঠাইত এনেধৰণৰ দৃশ্য পৰিলক্ষিত হৈ আহিছে।