উল্টাপানীত কৃতী ছাত্ৰ-ছাত্ৰীক সম্বৰ্ধনা মগৰ সন্থাৰ

কোকৰাঝাৰঃ কোকৰাঝাৰ জিলাৰ ভাৰত ভূটান সীমান্তৱৰ্তী উল্টাপানীত চলিত বৰ্ষৰ হাইস্কুল আৰু উচ্চতৰ মাধ্যমিক পৰীক্ষাত সুখ্যাতিৰে উত্তীৰ্ণ হোৱা ১৫ গৰাকী কৃতী ছাত্ৰ-ছাত্ৰীক আজি সদৌ অসম মগৰ সন্থাই সম্বৰ্ধনা জনায়৷ উল্টাপানীৰ লাৱন্যপুৰ প্ৰাথমিক স্কুলৰ চৌহদত মগৰ সন্থাৰ কোকৰাঝাৰ জিলা সমিতিৰ উদ্যোগত অনুষ্ঠিত হোৱা সম্বৰ্ধনা অনুষ্ঠানত কৃতী ছাত্ৰ-ছাত্ৰীসকলক একোখন মানপত্ৰ, জাতীয় গামোছা আৰু নগদ টকাৰে সম্বৰ্ধনা জনোৱা হয়৷

অনুষ্ঠানত মুখ্য অতিথি হিচাপে উপস্থিত থাকে সদৌ অসম মগৰ সন্থাৰ উপ সভাপতি নন্দলাল মগৰ ফটো সাংবাদিক গেওলাংসাৰ নাৰ্জাৰী, সদৌ অসম মগৰ সন্থাৰ কোকৰাঝাৰ জিলা সমিতিৰ সভাপতি নৰবিৰ চাৰু, উল্টাপানী প্ৰাথমিক বিদ্যালয়ৰ শিক্ষক খৰ্গৰ এইচ মগৰ আৰু সদৌ অসম মগৰ সন্থাৰ কোকৰাঝাৰ জিলা সমিতিৰ সম্পাদক কমল লুংগেদি মগৰকে ধৰি বহু বিশিষ্ট গঞা উপস্থিত আছিল৷