খাৰুপেটিয়া পৌৰ সভাৰ শপত গ্ৰহণ

খাৰুপেটিয়াঃ বিজেপি মহাসাগৰ এই মহা সাগৰত দুই এক বাল্টি পানী মিলালেও সাগৰৰ চৰিত্ৰ একে হৈ থাকে, আমাৰ বিজেপি দলত সকলোৱে যোগদান কৰিব পাৰে মাত্ৰ চোৰ, ডকাইত বা ন্যায়ালয়ৰ দ্বাৰা ঘোষিত অপৰাধী আৰু সামাজিকভাৱে বেয়া মানুহ বিজেপিত যোগদান কৰিব নোৱাৰে। আজি দৰঙৰ খাৰুপেটীয়া পৌৰ সভাৰ শপত গ্ৰহণ অনুষ্ঠানৰ পিছত এনেদৰে কয় মঙলদৈ লোকসভাৰ সাংসদ দিলীপ শইকীয়াই।

অনুষ্ঠানত কাৰ্যবাহী বিষয়া যুৱৰাজ বৰঠাকুৰ, খাৰুপেটীয়া পৌৰ সভাৰ সভানেত্ৰী কৃষ্ণা সাহা, জিলা বিজেপিৰ সভানেত্ৰী নীলিমা দেবী, সাধাৰণ সম্পাদক শেৱালী গোস্বামীৰ লগতে বহুকেইজন বিজেপিৰ নেতা কৰ্মী উপস্থিত থাকে। সভাখনত সাংসদ দিলীপ শইকীয়াই খাৰুপেটীয়া পৌৰ সভাৰ এলেকাত সামূহিক উন্নয়ন স্বাৰ্থত ৰাইজৰ সহযোগিতা কামনা কৰে।