মৰিয়নীৰ নাগাজাংকাত বনৰীয়া হাতীৰ আক্ৰমণ

মৰিয়নীঃ মৰিয়নীত বন্য হস্তীৰ আক্ৰমণত বন কৰ্মী আহত। নাগাজাংকা বচা গাঁৱত মঙলবাৰে বন্য হস্তী খেদিবলৈ যোৱা অৱস্থাত হাতীৰ আক্ৰমনৰ বলি হয় বনকৰ্মীৰ দলটো। বন্যহস্তীৰ আক্ৰমনত গুৰুতৰভাৱে আহত হয় মৰিয়নী বন সংমণ্ডলৰ উপ বন সংমণ্ডলক বিশান্ত শৰ্মা, খণ্ড বন বিষয়া পবিত্ৰ ফুকন, বন কৰ্মী ৰাজীৱ বুঢ়াগোহাঁই, জয়ন্ত হাজৰিকা।

বন কৰ্মীৰ দলটো হাতীৰ আক্ৰমণত আঘাতপ্ৰাপ্ত হোৱাৰ লগতে তেওঁলোকে লগত লৈ যোৱা বন্দুক এটাও নষ্ট হয়৷ আঘাতপ্ৰাপ্ত বন কৰ্মী দলটোক মৰিয়নীৰ প্ৰাথমিক চিকিৎসালয়ত প্ৰাথমিক চিকিৎসাৰ অন্তত যোৰহাট চিকিৎসা মহাবিদ্যালয়লৈ প্ৰেৰণ কৰে৷