বৰপেটাঃ দেশৰ ঐক্য শান্তি সম্প্ৰীতিৰ হকে ৭৩ সংখ্যক স্বাধীনতা দিৱসৰ লগত সংগতি ৰাখি বৰপেটাত সদ্ভাৱনা দৌৰ উলিওৱা হয়। বৰপেটা জিলা প্ৰশাসন, বৰপেটা জিলা নিৰ্বাচনী বিষয়া তথা বৰপেটা জিলা ক্ৰীড়া বিষয়াৰ উদ্যোগত আৰম্ভ হোৱা এই দৌৰ উদ্বোধন কৰে বৰপেটা জিলাৰ উপায়ুক্ত মুনিন্দ্ৰ নাথ শৰ্মাই।
পুৱা ৬ বাজি ৩০ মিনিটত বৰপেটা মুছলিমপট্টিৰ ভি আই পি ৰোডৰ মহেন্দ্ৰ মোহন চকৰ পৰা এই দৌৰ আৰম্ভ হৈ চহৰৰ মুখ্য পথেৰে পৰিভ্ৰমণ কৰি উপায়ুক্তৰ কাৰ্যালয়ত অন্ত পৰে। আজিৰ এই সদ্ভাৱনা দৌৰত অংশগ্ৰহণ কৰে বৰপেটা জিলা ডিজিটেল সাংবাদিক সন্থা, আভা স্পোৰ্টচ, বৰপেটা জিলা কাৰাটে ড এচোছিয়েচন, বৰপেটা জিলা ভলিবল সন্থা, তথা বৰপেটা জিলা প্ৰশাসন আৰু নিৰ্বাচনী কাৰ্যালয়ৰ বিষয়া কৰ্মচাৰীসকল।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।