কালামপুৰত মহিলাৰ সলিল সমাধি

জনীয়াঃ বৰপেটা জিলাৰ কলগাছিয়া আৰক্ষী থানাৰ অন্তৰ্গত  কালামপুৰত গাঁৱত মঙলবাৰে আবেলি ৪ টা বজাত নুৰজাহান বেগম (৪০) নামৰ মহিলাগৰাকীৰ  সলিল সমাধি ঘটে। জানিব পৰা মতে দৰিদ্ৰ সীমা ৰেখাৰ তলত বসবাস কৰা মহিলাগৰাকীয়ে নিজ ঘৰৰ পিছফালে পানীত কাপোৰ ধোৱা কাম কৰি থাকোতে পানীত পৰি মৃত্যুত সাৱটি লয়। 

ভিক্ষা বৃত্তিৰে জীৱন নিৰ্বাহ কৰা মহিলাগৰাকীৰ মৃত্যুত অঞ্চলটোত গভীৰ শোকৰ ছাঁ পৰিছে। উক্ত মহিলাৰ পৰিয়ালটোৰ প্ৰতি লক্ষ্য কৰি এককালীন সাহায্য প্ৰদান কৰিবলৈ চৰকাৰৰ ওচৰত  দাবী জনাইছে।