গোলাঘাটত ৰে’লৰ খুন্দাত নিহত যুৱক

গোলাঘাটঃ গোলাঘাটৰ ৰে’লৱে ষ্টেচনত অঘটন। উজনিমুৱা ইণ্টাৰচিটি এক্সপ্ৰেছৰ খুন্দাত নিহত হ’ল এজন যুৱক। ট্ৰেইনৰ প্ৰচণ্ড খুন্দাত চিন্ন ভিন্ন হ’ল যুবকজনৰ শৰীৰৰ বিভিন্ন অংশ। বৰ্তমানলৈকে চিনাক্ত হোৱা নাই মৃত্যু হোৱা যুবকজনৰ পৰিচয়।

ঘটনাস্থলীত ৰে’লৱে আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়লৈ প্ৰেৰণ কৰি তদন্ত অব্যাহত ৰাখি যুবকজনৰ পৰিচয়ৰ বাবে অনুসন্ধান চলাইছে। ইফালে স্থানীয় লোকে এইয়া আত্মহত্যা বুলিও সন্দেহ কৰিছে। ঘটনাক লৈ তীব্ৰ চাঞ্চল্য সৃষ্টি হৈছে ৰে’লৱে ষ্টেচনত।