বৰপেটাৰ সুখোৱাৰঝাৰত বোৱাৰীৰ ৰহস্যজনক মৃত্যু

নগৰবেৰাঃ এগৰাকী বোৱাৰীৰ ৰহস্যজনক মৃত্যুৱে চাঞ্চল্যৰ সৃষ্টি কৰিছে বৰপেটা জিলাৰ সুখোৱাৰঝাৰ গাঁৱত। মাত্ৰ দুমাহ পূৰ্বে বিবাহ পাশত আৱদ্ধ হোৱা সুখজান নেচাক যৌতুক দাবী কৰি নিৰ্যাতন চলাই অৱশেষত মঙলবাৰে নিশা পৰিকল্পিতভাৱে স্বামী ছাইদুল ইছলাম আৰু তেওঁৰ পৰিয়ালৰ লোকে হত্যা কৰি আত্মহত্যাৰ ৰূপ দিবলৈ চেষ্টা কৰাৰ অভিযোগ কৰিছে বোৱাৰীগৰাকীৰ আত্মীয়ই।

ঘটনাস্থলীত আলোপতি আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে বৰপেটালৈ প্ৰেৰণ কৰে। ইতিমধ্যে অভিযুক্ত স্বামী ছাইদুল ইছলামক ৰাইজে কৰায়ত্ব কৰি আৰক্ষীক চমজাই দিয়ে। ঘটনাটোৱে অঞ্চলটোত তীব্ৰ চাঞ্চল্যৰ সৃষ্টি কৰিছে। স্থানীয় ৰাইজে ঘটনাৰ উচিত শাস্তি দাবী কৰিছে অভিযুক্তসকলৰ বিৰুদ্ধে।