জুৰীয়াত প্ৰকাণ্ড অজগৰ সাপ উদ্ধাৰ

জুৰীয়াঃ নগাঁৱৰ জুৰীয়াত এডাল প্ৰকাণ্ড অজগৰ সাপ উদ্ধাৰ কৰে। পুৱাই এজন স্থানীয় লোকে সাপডাল প্ৰত্যক্ষ কৰি স্থানীয় গাঁওৰক্ষী বাহিনীক খবৰ দিয়ে। পিছত ঘটনাস্থলীত গাঁওৰক্ষী বাহিনীৰ দুজন সদস্য উপস্থিত হৈ স্থানীয় বনবিভাগৰ লোকৰ সৈতে যোগাযোগ কৰে। বন বিভাগৰ লোকৰ পৰামৰ্শ মতে গাঁওৰক্ষী বাহিনীয়ে সাপডাল নিৰাপদে উদ্ধাৰ কৰিবলৈ সক্ষম হয়।

এই খবৰ বন জুইৰ দৰে বিয়পি পৰাত প্ৰকাণ্ড অজগৰ সাপডাল চাবলৈ লোকে লোকাৰণ্য হৈ পৰে। পৰৱৰ্তী সময়ত ঘটনাস্থলীত বন বিভাগৰ লোক উপস্থিত হোৱাত গাঁওৰক্ষী বাহিনীয়ে সাপডাল বন বিভাগৰ লোকক চমজাই দিয়ে। গাঁওৰক্ষী বাহিনীৰ এনে প্ৰশংসনীয় কাৰ্যৰ শলাগ লয় জুৰীয়াৰ সচেতন মহলে।