গোৰেশ্বৰতো স্বাধীনতা দিৱস পালন

গোৰেশ্বৰঃ দেশত পালন কৰা হ’ল ৭৩ সংখ্যক স্বাধীনতা দিৱস৷ গোৰেশ্বৰ, শুক্লাই, মহৰিপাৰাতো পালন কৰিলে অনুষ্ঠান-প্ৰতিষ্ঠান, দল-সংগঠনে৷ গোৰেশ্বৰ আৰু শুক্লাইত বিপিএফে উলহ মালহেৰে ৭৩ সংখ্যক স্বাধীনতা দিৱসটি৷ গোৰেশ্বৰত বিটিচিৰ ইএম মহেশ্বৰ বসুমতাৰী, শুক্লাইত ৰাজ্যসভাৰ সাংসদ বিশ্বজিৎ দৈমাৰী আৰু ইএম গনেশ কছাৰীয়ে ৰাষ্ট্ৰীয় পতাকা উত্তোলন কৰে৷

ইপিনে গোৰেশ্বৰৰ পূৱ পাৰ লোক্ৰা প্ৰাথমিক বিদ্যালয় প্ৰাঙ্গণত বিদ্যালয়ৰ কণ কণ ছাত্ৰ-ছাত্ৰীৰ লগতে শিক্ষকৰ সহযোগত গোৰেশ্বৰ ছ’চিয়েল ডেভলপমেণ্ট এছোচিয়েচনে পালন কৰে স্বাধীনতা দিৱস৷ স্বাধীনতা দিৱসৰ লগত সংগতি ৰাখি ৰাষ্ট্ৰীয় পতাকা উত্তোলনৰ পাছত সংস্থাটোৱে গছপুলি ৰোপণ কৰে৷ আনহাতে স্বাধীনতা দিৱসৰ লগত সংগতি ৰাখি বৰ্ণাঢ্য কাৰ্যসূচীৰে বৰ্ণিল সাংস্কৃতিক সমাৰোহ আয়োজন কৰে৷