বৰপেটাঃ বৈষ্ণৱ চিন্তা-চৰ্চাৰ পীঠস্থান সত্ৰ নগৰী বৰপেটাত গুঞ্জন উঠিছে জয় শ্ৰী ৰাম ধ্বনিৰ। ৭৩ সংখ্যক স্বাধীনতা দিৱসৰ লগত সংগতি ৰাখি ৰাম সেনাৰ যুৱকসকলে ভাৰত বন্দনা বাইক ৰেলী উলিয়াই জয় শ্ৰী ৰাম ধ্বনি দিয়া পৰিলক্ষিত হয়। উল্লেখযোগ্য যে বিগত কেইমাহমান আগতে বৰপেটাত সংখ্যালঘু যুৱকক বলপূৰ্বকভাবে জয় শ্ৰী ৰাম ক’ব দিয়াৰ অপৰাধত কাৰাবাস খাটি অহা যোগী ডিম্পল মেধিয়ে এই বাইক ৰেলীৰ নেতৃত্ব বহন কৰে।
উক্ত বাইক ৰেলী বৰপেটা চহৰৰ অলিয়ে গলিয়ে পৰিভ্ৰমণ কৰে। কিন্তু লক্ষণীয়ভাবে এই বাইক ৰেলীৰ মাজতেই ৰাম সেনাৰ এজন যুৱকে বৰপেটা মুছলিমপট্টিত হাল্লা কৰিব লাগিব বুলি উচটনিমূলক মন্তব্য কৰে। কি উদ্দেশ্য আগত ৰাখি যুৱকজনে মুছলিমপট্টিত হাল্লা কৰিব লাগিব বুলি মন্তব্য কৰে সেয়া ৰহস্যৰ আৱৰ্তত। উগ্ৰ হিন্দুত্ববাদী চিন্তা ধাৰাৰ এই ৰাম সেনাৰ কৰ্ম কাণ্ডত শান্তি শৃংখলা বিঘ্নিত হোৱাতো নিবিচৰা এচাম বৰপেটাবাসীক উদ্বিগ্ন কৰি তুলিছে।
