বৰপেটাৰ বৰ আগদিয়াত স্বাধীনতা দিৱস পালন

চেঙাঃ সমগ্ৰ দেশৰ লগতে বৰপেটা জিলাৰ চেঙা সমষ্টিৰ অন্তৰ্গত বৰ আগদিয়া প্ৰি ছিনিয়ৰ মাদ্ৰাছা খেলপথাৰত আজি ৭৩ সংখ্যক স্বাধীনতা দিৱস পালন কৰে। বৰআগদিয়াৰ বাবু ক্লাৱৰ উদ্যোগত অনুষ্ঠিত স্বাধীনতা দিৱস উপলক্ষে বিভিন্ন ধৰণৰ খেল ধেমালি আয়োজন কৰাৰ লগতে মুকলি সভা অনুষ্ঠিত হয়৷

মুকলি সভাত সভাপতিত্ব কৰে সমাজ সেৱক জাকিৰ হুছেইনে৷ মুকলি সভাত মুখ্য অতিথি হিচাপে অংশগ্ৰহণ কৰি ভাষণ প্ৰদান কৰে সদৌ অসম মুছলিম ছাত্র সন্থাৰ কেন্দ্ৰীয় সমিতিৰ সভাপতি জালাল উদ্দিনে৷ সভাত মুছলিম ছাত্ৰ সন্থাৰ বৰপেটা জিলা সমিতিৰ সভাপতি জাহিদুল ইছলাম আৰু শিক্ষক মইনুল হুছেইনৰ লগতে কেইবাগৰাকী বিশিষ্ট ব্যক্তি উপস্থিত থাকে৷