নাৰায়ণপুৰৰ বিভিন্ন ঠাইত স্বাধীনতা দিৱস উদযাপন

নাৰায়ণপুৰঃ সমগ্ৰ দেশৰ লগতে লখিমপুৰ জিলাৰ নাৰায়ণপুৰ অঞ্চলৰ বিভিন্ন ঠাইত ৭৩ সংখ্যক স্বাধীনতা দিৱস উদযাপন কৰা পৰিলক্ষিত হয়। বিশেষকৈ পুৱাৰ ভাগত মাধৱদেৱ বিশ্ববিদ্যালয়ৰ উপাচাৰ্য ডঃ দিবাকৰ চন্দ্ৰ ডেকাই ছাত্র-ছাত্ৰীসকলে সম্বোধন কৰা কুচ-কাৱাজৰ মাজত ত্ৰিৰংগা পতাকা উত্তোলন কৰে।

আনহাতে দেউৰী স্বায়ত্ব শাসিত পৰিষদৰ নাৰায়ণপুৰস্থিত মুখ্য কাৰ্যালয়ত বৰ্ণাঢ্য কাৰ্যসূচীৰে অনুষ্ঠিত কৰা স্বাধীনতা দিৱস অনুস্থানত মুখ্য কাৰ্যবাহী মাধৱ দেউৰীয়ে ৰাষ্ট্ৰীয় পতাকা উত্তোলন কৰে। ইয়াৰ উপৰি প্ৰথম বাৰৰ বাবে মাধৱদেৱ বিশ্ববিদ্যালয় তিনিআলি ব্যৱসায় সন্থাই আজি উলহ-মালহেৰে স্বাধীনতা দিৱস উদযাপন কৰে। উল্লেখযোগ্য যে আজি স্বাধীনতা দিৱস উপলক্ষে দেউৰী স্বায়ত্ব পৰিষদৰ তৰফৰ পৰা দেউৰী জনগোষ্ঠীৰ কেইবাগৰাকী বিশিষ্ট ব্যক্তিক এককালীন সাহায্য হিচাপে চেক প্ৰদান কৰে।