চানমাৰি উৰণীয়া সেতুত ভয়াৱহ দুৰ্ঘটনা

গুৱাহাটী : মহানগৰীৰ চানমাৰি উৰণীয়া সেতুত এক ভয়াৱহ দুৰ্ঘটনা সংঘটিত হৈছে। নিশাৰ ভাগত যান-জঁটৰ ভিৰৰ পৰিমাণ লাহে-লাহে কমি আহে বাবে কিছুমান গাড়ীৰ চালকে ইমানেই দ্ৰুতগতিত গাড়ী চলাই যে সময়ে সময়ে কেৱল গাড়ীৰ তীব্ৰ গতিৰ বাবেই দুৰ্ঘটনা সংঘটিত হৈ আহিছে।

তাৰে পৰিণাম দেখা গ’ল দেওবাৰে নিশা ১ বজাত চানমাৰি উৰণীয়া সেতুত। AS 25 CC 0479 নম্বৰৰ এখন দ্ৰুতবেগী অল্ট' বাহনে সেতুৰ ৰেলিঙত প্ৰচণ্ড জোৰত খুন্দা মৰাৰ ফলত গাড়ীখন পথত বাগৰি পৰে।

লগে লগে ঘটনাস্থলীত আৰক্ষী উপস্থিত হৈ উদ্ধাৰ কৰে বাহনখন। আৰক্ষী বিভাগে জনোৱা মতে দুৰ্ঘটনাটোত বাহনখনৰ যথেষ্ট ক্ষতিসাধন হোৱাৰ লগতে চালকজন গুৰুতৰভাৱে আহত হৈছে। প্ৰত্যক্ষদৰ্শীসকলে কয় যে কেৱল বাহনখনৰ দ্ৰুতগতিৰ বাবেই সংঘটিত হৈছে এই দুৰ্ঘটনা।