শিৱসাগৰত গাঞ্জাসহ এজনক গ্ৰেপ্তাৰ

শিৱসাগৰঃ আৰক্ষীৰ সন্মুখতে অব্যাহত আছে গাঞ্জাৰ চোৰাং ব্যৱসায়। বৃহস্পতিবাৰে নিশা জয়সাগৰ আৰক্ষীৰ এক অভিযানত ৮ কেজি গাঞ্জা জব্দ কৰাৰ লগতে গ্ৰেপ্তাৰ কৰে এজনক। জয়সাগৰ আৰক্ষীয়ে বগীদ'ল পাঁচ আলিত অভিযান চলাই জব্দ কৰিবলৈ সক্ষম হয় প্ৰায় ৮ কেজি ওজনৰ গাঞ্জা।

সেনা আৰু আৰক্ষীৰ যুটীয়া অভিযানত বগীদ'লৰ মানসজ্যোতি খনিকৰৰ ঘৰৰ পৰা জব্দ কৰে এই গাঞ্জা। জয়সাগৰ আৰক্ষীয়ে মানসজ্যোতি খনিকৰক গ্ৰেপ্তাৰ কৰি জেৰা অব্যাহত ৰাখিছে। বগীদ'ল অঞ্চলত অবৈধ গাঞ্জা ব্যৱসায়েৰে যুৱ প্ৰজন্মক ধ্বংসৰ মুখলৈ ঠেলি দিয়া মানসজ্যোতিক আটক কৰাৰ লগতে এই মাৰাত্মক ব্যৱসায় উৎখাত কৰা কাৰ্য্যত অঞ্চলবাসীয়ে সন্তোষ প্ৰকাশ কৰে।