বৰপেটাত ভয়ংকৰ পথ দুৰ্ঘটনা

বৰপেটাঃ বৰপেটা চহৰৰ মেটুৱাকুছি ভক্তাৰকুৰত এক ভয়ংকৰ পথ দুৰ্ঘটনা সংঘটিত হয়। জানিব পৰা মতে অত্যধিক চিমেণ্ট বহন কৰি AS17-3769 নম্বৰৰ ছয়চকীয়া ট্ৰাকখন চহৰৰ ভিতৰৰে সোমোৱাই মেটুৱাকুছি ভক্তাৰকুৰ অভিমুখে অগ্ৰসৰ হয়। মেটুৱাকুছি ভক্তাৰকুৰত পথৰ এটি কেকুৰী ঘুৰিব ল‌ওতেই নিম্ন মানৰ পথৰ দুৰৱস্থাৰ ফলত পথ ভাঙি ট্ৰাকখন পথৰ মাজত বাগৰি পৰে। উল্লেখ্য যে, ট্ৰাকখন বাগৰি পৰা ঠাইৰ নিচেই কাষতে মটৰচাইকেল মেৰামতি কৰা এটা গেৰেজ আছে। ট্ৰাকখন বাগৰি পৰাৰ ফলত ট্ৰাকখনৰ তলত AS15-L9872 নম্বৰৰ এখন বাজাজ ডিস্কভাৰ বাইক সেমাই পৰে। দুৰ্ঘটনাৰ ফলত কোনো লোক হতাহত হোৱা নাই যদিও ট্ৰাক চালক জন পলাতক বুলি জানিব পৰা গৈছে। লক্ষণীয় কথা এইয়াই যে কিহৰ স্বাৰ্থত বৰপেটা ট্ৰেফিক আৰক্ষীয়ে অত্যাধিক বহন ক্ষমতা কঢ়িওৱা ট্ৰাক চহৰৰ মাজমজিয়াত সোমোৱাব দিয়ে সেয়া এক ৰহস্যৰ কাৰণ হৈ পৰিছে।