বিজনীঃ চিৰাং জিলাৰ বিজনীৰ কাৱাটিকাত শনিবাৰে বিজনী জিলা আমছুৰ উদ্যোগত ড্ৰাগছৰ বিৰুদ্ধে এক সজাগতামূলক সমদল উলিওৱা হয়। কাৱাটিকাস্থিত ছানৰাইজ মডেল একাডেমীৰ সন্মুখৰ পৰা আৰম্ভ কৰা প্ৰতিবাদী সমদলটো বিজনী থানাৰ ভাৰপ্ৰাপ্ত আৰক্ষী বিষয়া ৰূপক কুমাৰ বৰাই শুভ উদ্বোধন কৰে।
সমদলকাৰীসকলে ড্ৰাগছ মাফিয়া হুচিয়াৰ, ড্ৰাগছ সেৱন বন্ধ কৰক, আমছু জিন্দাবাদ আদি শ্লোগান প্ৰদান কৰি কাৱাটিকা অঞ্চল পৰিভ্ৰমণ কৰে। কাৱাটিকাৰ পৰা ড্ৰাগছ ব্যৱসায়ীসকলক পুলিয়ে-পোখাই উভালি পেলোৱাৰ উদ্দেশ্যেৰে এই কাৰ্যসূচী ৰূপায়ণ কৰে আমছুৱে। লগতে ড্ৰাগছ ব্যৱসায়ী তথা ড্ৰাগছৰ লগত জড়িত লোকক আৰক্ষীয়ে গ্ৰেপ্তাৰ কৰি দৃষ্টান্তমূলক শাস্তি দিয়াৰ দাবী জনায় আমছুৱে।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।