বৰপেটাঃ অহা ৬ ছেপ্টেম্বৰত সমগ্ৰ অসমতেই মুক্তি লাভ কৰিব যুৱ প্ৰজন্মৰ হাৰ্টথ্ৰৱ জুবিন গাৰ্গ অভিনীত কাঞ্চনজংঘা। কাঞ্চনজংঘা চিনেমাখনৰ প্ৰমোচনৰ হেতু টিম কাঞ্চনজংঘা আহি উপস্থিত হয় বৰপেটাত। বৰপেটাত উপস্থিত হৈয়ে টিম কাঞ্চনজংঘা পোনে পোনে বৰপেটা সত্ৰলৈ গমন কৰে। বৰপেটা সত্ৰত সেৱা গ্ৰহণ কৰি টিম কাঞ্চনজংঘা বৰপেটাৰ হাউলিস্থিত বি এইচ মহাবিদ্যালয়ত উপস্থিত হয়।
বি এইচ মহাবিদ্যালয়ত অনুষ্ঠিত কৰা এক অনুষ্ঠানত টিম কাঞ্চনজংঘাৰ প্ৰতিজন সদস্যই উপস্থিত থাকে। অনুষ্ঠানত জুবিন পত্নী গৰিমা গাৰ্গে মহাবিদ্যালয়ৰ ছাত্র-ছাত্ৰীসকলৰ লগত খুহুতিয়া কথাৰে পৰিৱেশ জীপাল কৰি তোলে। অহা ৬ ছেপ্টেম্বৰত ছবিগৃহলৈ আহিব লগীয়া কাঞ্চনজংঘা চাবলৈ জুবিন গাৰ্গে আহ্বান জনায়।
চিনেমাখন সাম্প্ৰতিক সময়ৰ যুৱ প্ৰজন্মৰ মানসিকতাৰ ওপৰত নিৰ্মিত বুলি জুবিন গাৰ্গে জানিবলৈ দিয়ে। উল্লেখ্য যে চিনেমাখন চাবলৈ যাওঁতে মটৰচাইকেলৰ হেলমেট পৰিধান কৰিবলৈ আহ্বান জনায় টিম কাঞ্চনজংঘাৰ সদস্যসকলে।
