কোকৰাঝাৰৰ প্ৰতাপখাতা ৰে’লৱে লাইনত মহিলাৰ মৃতদেহ উদ্ধাৰ

কোকৰাঝাৰঃ কোকৰাঝাৰ জিলাৰ প্ৰতাপখাতা ৰে’ল গেটৰ সমীপত শনিবাৰে উদ্ধাৰ হয় এগৰাকী অচিনাক্ত মহিলাৰ মৃতদেহ৷ ৰে’লৱে ট্ৰেকত মূৰ কটা যোৱা অৱস্থাত উদ্ধাৰ হয় মৃতদেহটো৷ প্ৰাপ্ত খবৰ অনুসৰি শনিবাৰে দুপৰীয়া প্ৰতাপখাতা ৰে’ল গেটৰ কিছু দূৰত প্ৰথমতে স্থানীয় লোকে উক্ত মৃতদেহটো প্ৰত্যক্ষ কৰে আৰু ৰে’লৱে বিভাগৰ মানুহক খবৰ দিয়াৰ পিছতহে পোহৰলৈ আহে উক্ত ঘটনা৷

মৃত মহিলাগৰাকীৰ বয়স ৩৫-৩৬ বুলি অনুমান কৰা হয়৷ প্ৰত্যক্ষদৰ্শীৰ মতে এয়া মহিলাগৰাকীৰ আত্মহত্যাৰ ঘটনা আছিল৷ এই ঘটনাত মহিলাগৰাকীৰ মুখমণ্ডল সম্পূৰ্ণৰূপে চিন্ন-বিচ্ছিন্ন হৈ পৰাত ঘটনাৰ পৰলৈকে চিনাক্তকৰণ কৰিব পৰা হোৱা নাছিল মৃতদেহটো৷