আমিনগাঁওঃ ড্ৰাগচ আৰু নিচাযুক্ত সামগ্ৰীৰ সুৰক্ষিত বজাৰ এতিয়া উত্তৰ গুৱাহাটী। গুৱাহাটী মালিগাঁৱৰ পৰা নিয়ন্ত্ৰিত বৰবিহ ড্ৰাগছে ছানি ধৰিছে মহানগৰীৰ পাৰ্শ্বৱৰ্তী অঞ্চল। নিশা গোপন খবৰৰ ভিত্তিত আমিনগাঁও লাচিতপুৰত ৰাইজে আটক কৰিলে দুই ড্ৰাগছ সৰবৰাহকাৰীক।
এখন বাহনত এটি শিশু লগত লৈ পতি-পত্নীৰ ভেশত আহিছিল দুই ড্ৰাগছ সৰবৰাহকাৰী। মালিগাঁৱৰ পৰা হাজো অভিমুখী পথত হাতেলুটে ধৰা পেলাই ৰাইজে আটক কৰে ৰিজু আলী আৰু জুনু বেগমক। ধৃত ৰাজু আলীৰ ঘৰ জালুকবাৰী সুন্দৰপুৰ আৰু জুনুৰ ঘৰ আজাৰাত। আৰক্ষীয়ে ৰাইজৰ সমুখত উদ্ধাৰ কৰে এটি ড্ৰাগছভৰ্তি কণ্টেইনাৰ।
প্ৰতিবিম্ব লাইভ
'প্ৰতিবিম্ব লাইভ' অসমৰ ডিজিটেল সংবাদ মাধ্যমত এক নৱতম সংযোজন।