ৰঙিয়াঃ ৰঙিয়া উচ্চতৰ মাধ্যমিক বিদ্যালয় খেল পথাৰত আৰম্ভ হোৱা হৰদত্ত বীৰদত্ত প্ৰাইজমানি ফুটব'ল প্ৰতিযোগিতাত জাপিয়া ভাই ভাই ক্লাবে উদ্বোধনী খেলত ২-০ গলৰ ব্যবধানত জয় লাভ কৰিছে। ৰঙিয়া ঢোলকুছি ট্ৰাইবেল সংঘৰ লগত অনুষ্ঠিত হোৱা প্ৰতিযোগিতাখনৰ প্ৰধম অৰ্ধত পেনাল্টিৰে প্ৰথম গ'লটো দিয়াৰ পিছত দ্বিতৃীয় অৰ্ধৰ অন্তিম মুহুৰ্তত আনটো গ'ল দিয়ে ভাই ভাই ক্লাৱে।
অসম চৰকাৰৰ জলসিঞ্চন, ৰাজহ আৰু দুৰ্যোগ প্ৰশমন বিভাগৰ মন্ত্ৰী তথা ফুট ব' ভৱেশ কলিতা উপস্থিত থকা প্ৰতিযোগিতা খনত ভাৰতীয় খেল প্ৰাধীকৰণৰ গুৱাহাটী আঞ্চলিকৰ সঞ্চালক ড° সুভাষ বসুমতাৰীয়ে খেলখন শুভ উদ্বোধন কৰে। উদ্বোধনী অনুষ্ঠানৰ প্ৰাকমুহুৰ্তত প্ৰতিযগিতাখনৰ পতাকা উত্তোলন কৰে অসম গ্ৰামিন বিকাশ বেংকৰ অৱসৰ প্ৰাপ্ত সঞ্চালক প্ৰশান্ত বুজৰ বৰুৱা আৰু ছহীদ বেদীত বন্তি প্ৰজ্বলন কৰে ফুটব'ল প্ৰতিযোগিতা খনৰ কাৰ্য্যকাৰী সভাপতি ৰঞ্জন উপাধ্যায়ে।
পতাকা উত্তোলনৰ প্ৰকমুহুৰ্তত দেশৰ প্ৰাক্তন বিত্ত মন্ত্ৰী তথা সাংসদ অৰুণ জেটলীৰ মৃত্যুত গভীৰ সমবেদনা জ্ঞাপন কৰি এক মিনিট সময় মৌন প্ৰাৰ্থনা জনায়। উদ্ধোধনী অনুষ্ঠানটোৰ লগত সংগতি ৰাখি কেইবাগৰাকী ৰাষ্ট্ৰীয় খেলুৱৈক সম্ভৰ্ধনা জনোৱা হয় ।
