গুৱাহাটীত ম'বাইল চোৰঃ আটক কৰিলে ফোনৰ গৰাকীয়ে

আমিনগাঁওঃ বৃহস্পতিবাৰে গুৱাহাটী গৌৰীপুৰৰ ৩১নং ৰাষ্ট্ৰীয় ঘাইপথত নিশা উত্তৰ গুৱাহাটী  ৰহধলাৰ দিগন্ত বড়োৱে পথত ম'বাইলত কথা পাতি আছিল। হঠাৎ নম্বৰ প্লেট বিহীন পালচাৰ বাইকত অহা তিনি চিলনী চোৰে হাতৰ পৰা ম'বাইল ফোন থপিয়াই নিয়ে। এই ঘটনাৰ পিছতে ম'বাইল ফোনৰ গৰাকীয়ে আৰক্ষীলৈ অপেক্ষা নকৰি নিজেই গুৱাহাটী অভিমুখী তিনি চিলনী চোৰক খেদি যায়।

শেষত গৰাকীয়ে তিনি চোৰক আটক কৰিবলৈ সক্ষম হয়। আৰু হাজো পানী পাৰাৰ ৰাহুল দাস, ৰঞ্জিত দাস আৰু ডেভিদ দাস নামৰ তিনিটা চোৰক উত্তৰ গুৱাহাটী গৌৰীপুৰ আৰক্ষী চকীত গতাই দিয়ে। উত্তৰ গুৱাহাটীত কলা পালচাৰ বাইকত অহা চিলনী চোৰে অঞ্চলটিত চলাইছে সন্ত্ৰাস ।পিছে আৰক্ষীয়ে ধৰিব নোৱাৰা চোৰ ধৰে গৰাকী আৰু ৰাইজে।