ঢকুৱাখনাঃ অসমৰ বিভিন্ন মহাবিদ্যালয়ত দিন ৰাতি একাকাৰ কৰি কাঞ্চনজংঘাৰ প্ৰচাৰ চলাই থকা অসমৰ যুৱ প্ৰজন্মৰ হাৰ্ট থ্ৰব জুবিন গাৰ্গ বৃহস্পতিবাৰে উপস্থিত হয় ঢকুৱাখনাৰ ঘিলামৰাত অৱস্থিত নৰ্থ বেংক মহাবিদ্যালয়ত। উল্লেখ্য যে হাজাৰ হাজাৰ গুণমুগ্ধৰ মাজত জুবিন গাৰ্গে কাঞ্চনজংঘাৰ প্ৰচাৰ চলাই আৰু চিনেমাখন চাবলৈ নিমন্ত্ৰণ জনায়।
৬ ছেপ্টম্বৰত ছবিগৃহত মুক্তি হ’ব লগা নতুন চিনেমা কাঞ্চনজংঘাৰ প্ৰচাৰৰ বাবে নৰ্থ বেংক মহাবিদ্যালয়ত জুবিন গাৰ্গ উপস্থিত হোৱাৰ লগে লগে মহাবিদ্যালয়ৰ ছাত্ৰ ছাত্ৰীৰ মাজত হেতা ওপৰা লাগে এবাৰ জুবিনক কাষৰ পৰা চাবলৈ অথবা একপি ছেল্ফি ল’বলৈ। তাৰ মাজতে জুবিনে ছাত্ৰ-ছাত্ৰীৰ মাজত কাঞ্চনজংঘা ছবিৰ দুটা গীত গুনগুনাই সকলোকে এই চিনেমাখন চাবলৈ অনুৰোধ জনায়। উক্ত অনুষ্ঠানত কাঞ্চনজংঘাৰ শিল্পীসকল উপস্থিত থাকে। ঢকুৱাখনাত জুবিনে জানিবলৈ দিয়ে এখন নতুন চিনেমা বাঘ নামেৰেও মুক্তি দিয়াৰ কথা ঘোষণা কৰে।
