ৰঙিয়াঃ ৰঙিয়া মহাবিদ্যালয় আছু গোটৰ বাৰ্ষিক অধিৱেশনখন মহাবিদ্যালয়খনৰ প্ৰেক্ষাগৃহত অনুষ্ঠিত হৈ যায়। পুৱা সদৌ অসম ছাত্ৰ সন্থাৰ পতাকা উত্তোলন কৰে আছু গোটৰ সভাপতি অংকুৰ কলিতাই আৰু শ্বহীদ তৰ্পণ কৰে আমিনুল হকৰ লগতে চাহনোৱাজ চৌধুৰীয়ে। ইয়াৰ পিছতে অংকুৰ কলিতাৰ সভাপতিত্বত অনুষ্ঠিত হোৱা মুকলি সভাখন উদ্বোধন কৰে সদৌ কামৰূপ জিলা ছাত্ৰ সন্থাৰ কাৰ্যনিৰ্বাহক তৌফিকুৰ ৰহমানে।
সভাখন উদ্ধোধন কৰি ৰহমানে ছাত্ৰ সন্থাৰ দৃষ্টিভংগী সম্পৰ্কত ব্যাখ্যা আগবঢ়ায়। ইয়াৰ উপৰি ৰঙিয়া মহাবিদ্যালয়ৰ প্ৰাক্তন সাঃ সম্পাদিকা গুণমনি কলিতাই মহাবিদ্যালয়ত ছাত্ৰ সন্থাৰ কৰ্তব্যসমূহৰ বিষয়ে গুৰুত্বপূৰ্ণ বক্তব্য আগবঢ়ায়। সভাত ৰঙিয়া মহাবিদ্যালয় ছাত্ৰ সন্থাৰ প্ৰাক্তন সাঃ সম্পাদক ধ্ৰুৱ জ্যোতি শৰ্মা, পিংকু কুমাৰ, হিমাংশু শৰ্মা, নৱ কুমাৰ, মহাবিদ্যালয় ছাত্ৰ সন্থাৰ প্ৰাক্তন সভাপতিকে ধৰি বিভিন্ন বিষয়ববীয়া উপস্থিত থকাৰ লগতে ৰঙিয়া মহকুমা ছাত্ৰ সন্থাৰ দিগন্ত কলিতা, নিউটন কলিতা, বুবুল আলী, জিতু ডেকা, ৰঙিয়া আঞ্চলিক ছাত্ৰ সন্থাৰ সভাপতি জয়ন্ত শৰ্মা উপস্থিত থাকে।
ৰঙিয়া আঞ্চলিক ছাত্ৰ সন্থাৰ সাঃ সম্পাদক মৃন্ময় কুমাৰ ডেকাই অনুষ্ঠানৰ আঁত ধৰা মুকলি সভাখনত ২০১৯-২০ বৰ্ষৰ বাবে ৰঙিয়া মহাবিদ্যালয় আছু গোটৰ সভাপতি হিচাপে মুনিফ ইকবালক, সাঃ সম্পাদক হিচাপে তিনিজন ক্ৰমে অজয় দাস, দয়াল কৃষ্ণ কোঁৱৰ আৰু তুষাৰ কলিতাক দায়িত্ব দিয়া হয়।
