খাৰুপেটিয়া পথ দুৰ্ঘটনাঃ গুৰুতৰভাৱে আহত কিশোৰী

খাৰুপেটিয়াঃ কিছুমান দ্ৰুত বেগী উদণ্ড বাইক চালকৰ বাবে এতিয়া মৰণ ফান্দত পৰিণত হৈছে ৰাষ্ট্ৰীয় ঘাইপথ। দ্ৰুত বেগী বাইক চালকৰ বাবেই সঘনাই দুৰ্ঘটনা সংঘটিত হ’বলৈ ধৰিছে ঘাইপথসমূহত। উদণ্ড বাইক চালকৰ বাবেই শুকুৰবাৰে সন্ধিয়া দৰঙৰ ধূলা থানাৰ অন্তৰ্গত নিজ খাৰুপেটিয়াস্থিত আৰ্মী কেম্পৰ সন্মুখত সংঘটিত হয় এক পথ দুৰ্ঘটনা।

জানিব পৰা মতে নিজ খাৰুপেটিয়াৰ সাহালম নামৰ ১২ বছৰীয়া কিশোৰী এগৰাকীয়ে ঠেলা গাড়ীৰে গছৰ ঠানি লৈ গৈ থকা অৱস্থাত বিপৰীত দিশৰ পৰা অহা As 10D K5041 নম্বৰৰ তীব্ৰ বেগী পালচাৰ বাইকখনে খুন্দা মৰাত গুৰুতৰভাৱে আহত হয় কিশোৰগৰাকীয়ে। দুৰ্ঘটনা সংঘটিত কৰি ঘটনাস্থলীৰ পৰা পলায়ন কৰে বাইক চালকজনে। আনহাতে দুৰ্ঘটনাত আহত হোৱা কিশোৰগৰাকীৰ মূৰত আৰু ভৰিত গুৰুতৰভাৱে আঘাত পোৱাত স্থানীয় ৰাইজে ততাতয়াকৈ মঙলদৈ অসামৰিক চিকিৎসালয়লৈ প্ৰেৰণ কৰে।