বাইহাটাৰ ডোৰাকহৰাত উত্তেজনাময় পৰিৱেশ

বাইহাটা চাৰিআলিঃ বাইহাটাৰ ডোৰাকহৰাত নিশা এক উত্তেজনাময় পৰিৱেশৰ সৃষ্টি হয়। ডোৰাকহৰা বড়াগোগ সংযোগী পথত থকা উন্মুক্ত ৰে’লৱে লেভেল ক্ৰছিঙত সহস্ৰাধিক লোকে কৰি তোলে উত্তেজনাময় পৰিবেশ। লেভেল ক্ৰছিঙৰ দুয়োফালে ৰে’লৱে বিভাগে দ গাত খান্দি দিয়াৰ বাবে এই উত্তেজনা। আগতীয়া কোনো ধৰণৰ জাননী নিদিয়াকৈ  দুয়োফালে দ গাঁত খান্দি  দিয়াৰ ফলত সেই পথেৰে যাতায়ত কৰা সকলে বহুতো সমস্যাৰ সন্মুখীন হোৱাৰ ফলত এই দৰে ওলাই আহি ৰে’লৱেৰ বিৰুদ্ধে প্ৰতিবাদ সাব্যস্ত কৰে।

পিছত প্ৰতিবাদস্থলীত কমলপুৰ ৰাজহ চক্ৰ বিষয়াগৰাকী উপস্থিত হৈ  প্ৰতিবাদকাৰীৰ লগত আলোচনাত মিলিত হয় আৰু সমস্যা সমাধানৰ আশ্বাস দিয়ে। আনফালে ৰে’লআলিৰ দুয়োপাৰ পথটোত এইদৰে গাঁত খান্দি দিয়াৰ ফলত ৰে’লৱেৰ চিগনেলৰ কাৰিকৰী বিজুতি ঘটাত আবদ্ধ হৈ পৰে বহুকেইখন উজনি আৰু নামনিমুৱা ৰে’ল।