লংকাৰ নখুটিত শোকাৱহ পথ দুৰ্ঘটনা

লংকাঃ NRC কেন্দ্ৰৰ পৰা উভতাৰ পথত মেজিক বাহনৰ খুন্দাত নিহত এগৰাকী মহিলা।নিহত মহিলা গৰাকীৰ নাম আনজুমা বেগম বুলি জানিব পৰা গৈছে।এজন নাবালক চালকে চলাই‌ আছিল দুৰ্ঘটনা সংঘটিত কৰা বাহনখন। দুৰ্ঘটনা সংঘটিত কৰা বাহনখনৰ পঞ্জীয়ন নম্বৰ হৈছে AS02 AC 2582 নখুটি আৰক্ষী পহৰা চকীৰ পৰা মাত্ৰ ৫০ মিটাৰ দুৰৈত সংঘটিত হৈছে এই দুৰ্ঘটনা।

NRC সেৱা কেন্দ্ৰত চুড়ান্ত খচৰাত নাম চাই ঘৰলৈ উভতি আছিল মহিলাগৰাকী। কিন্তু বাটতে এই শোকাৱহ দুৰ্ঘটনাত পতিত হয় কৰুণ মৃত্যুক আকোঁৱালি লয় মহিলাগৰাকীয়ে। যান বাহন আইন উলংঘা কৰি এনেদৰে নাবালক চালকৰ বিৰুদ্ধে প্ৰশাসনে কোনো বিহিত ব্যৱস্থা নোলোৱাত এতিয়া ক্ষোভ প্ৰকাশ কৰিছে স্থানীয় ৰাইজে।