ডিগবৈ শোধনাগাৰৰ ইণ্ডিয়ান অইল ডে অনুষ্ঠানত উত্তপ্ত পৰিস্থিতি

ডিগবৈঃ ডিগবৈ শোধনাগাৰে অনুষ্ঠিত কৰা ইণ্ডিয়ান অইল ডে অনুষ্ঠানত উত্তপ্ত পৰিস্থিতি৷ অইল ডেৰ কাৰ্যসূচী অনুষ্ঠিত হোৱা ডিগবৈ গল্ডেন জুবলি কমপ্লেক্সৰ সন্মুখত ঠিকাভিত্তিক শ্ৰমিকে উত্তাল প্ৰতিবাদ সাব্যস্ত কৰে৷ চুক্তি অনুসৰি ঠিকাভিত্তিক শ্ৰমিকক সা-সুবিধা আইঅ’চি কৰ্তৃপক্ষই প্ৰদান নকৰাত এই প্ৰতিবাদ৷ অইল ডে কাৰ্যসূচীত আইঅ’চিৰ কাৰ্যবাহী সঞ্চালক এচ এচ জনে ভাগ লোৱা সময়তে এই প্ৰতিবাদ সাব্যস্ত কৰে৷

নিয়ম অনুসৰি ঠিকা শ্ৰমিকক মজুৰি প্ৰদান, কামৰ আই কাৰ্ড, সুৰক্ষা সামগ্ৰী আৰু নিয়মিতভাৱে মজুৰি প্ৰদান কৰাৰ লগতে দ্বিপাক্ষিক চুক্তিৰ দফাসমূহ কাৰ্যকৰী কৰিবলৈ দাবী জনাই আহিছে৷ কিন্তু আইঅ’চি কৰ্তৃপক্ষই কোনো গুৰুত্ব দিয়া নাই৷ গতিকে আজি জাক জমকতাৰে পালন কৰা অইল ডে কাৰ্যসূচীতে প্ৰতিবাদ কৰে শ্ৰমিকসকলে৷